Ինչպես Պահք Պահել Որ Տէրն Ընդունի Այն

Գիտե՞ք, պահոց շրջանի Կիրակիներից մեկի ժամանակ Հին Կտակարանից ընթերցվում է Եսայի Մարգարեի գրքից 58րդ գլուխից մի հատված, ուր կարող էք գտնել իսկական և ընդունելի Պահքի հետ կապված ձեր գրեթե բոլոր հարցերի պատասխանները: - Աստված հստակ ասում է թէ երբ ընդունելի չի համարի ձեր պահքն ու չի լսի ձեր աղոթքները և երբ կլսի ու «մինչեւ դու խօսես, նա պիտի ասի, թէ՝ «Ահա հասել եմ»։

«Մինչեւ դու խօսես, նա պիտի ասի, թէ՝ «Ահա հասել եմ»։ ------ Հիշու՞մ էք Մարկոսի Ավետարանից 11րդ գլխի 24րդ համարը: Տէր Հիսուսն ասում է, «ամէն ինչ, որ աղօթք անելով խնդրէք եւ հաւատաք, թէ կը ստանաք, կը տրուի ձեզ։» Լավագույն Հունարեն բնագրերում գրված է "հավատացեք թէ արդեն ստացել էք այն և կտրվի ձեզ:" Աղոթքի ժամանակ հավատալ որ դու արդեն ստացել էս այն, արդյոք նման չէ՞ Եսայի Մարգարեի այսօրվա ընթերցվածքի այս հատվածին թէ «մինչեւ դու խօսես, նա պիտի ասի, թէ՝ «Ահա հասել եմ»։

Բայց ինչպե՞ս: Սա դժվար է չէ՞

Ոչ թէ դժվար է, այլ անհնար նրանց համար որ հպարտության, սիրո բացակայության, փառասիրության, անարդարության և այլ մեղքերի պատճառով հեռու են մնում Աստծուց: Բայց իրականություն է սրբությամբ ու մաքուր սրտով ապրել ցանկացողների համար, որ խոնարհությամբ Աստծուն փնտրելով գտնում են Նրան իրենց սրտերում և իրենց շուրջի մարդկանց սրտերում և.... սիրում: Մոտենում են Աստծուն, նրան Հայր կոչում և մինչդեռ մոտենում են ավելի ու ավելի էն վստահում Նրան: Իսկ վսահում էս երբ գիտես, գիտես երբ մոտ էս, մոտ էս երբ մաքրվում ես ու խոնարհ էս, եվ արդյունքում դու կհավատաս որ կստանաս քանի որ գիտես, սիրում էս ու վստահում էս:

Եվ Տերն այսՄարգարեական ընթերցվածքում տալիս է բանալին: Ահա օրինակ մի փոքրիկ հատված՝ Եսայի Մարգարեի գրքի 58րդ գլխից, 6ից 11րդ պարբերությունները:

Քանդի՛ր անիրաւութեան հանգոյցը, խորտակի՛ր քո վաճառականական խարդախութիւնն ու բռնութիւնը,
ների՛ր ու արձակի՛ր նեղեալներին
եւ պատռի՛ր բոլոր անիրաւ մուրհակները։
ՀԱՑԴ ԿԻՍԻ՛Ր ՔԱՂՑԱԾԻ ՀԵՏ
Քաղցածների՛ն բաժանիր քո հացը
եւ անօթեւան աղքատների՛ն տար քո տունը.
եթէ մերկ մարդ տեսնես՝ հագցրո՛ւ նրան,
բայց քո ընտանիքի զաւակին մի՛ անտեսիր։

Այն ժամանակ այգաբացի պէս պիտի ծաւալուի քո լոյսը,
եւ արագօրէն պիտի հասնի քո ապաքինումը,
քո առջեւից պիտի ընթանայ քո արդարութիւնը,
եւ Աստծու փառքը պիտի պահպանի քեզ։

Այն ժամանակ պիտի կանչես,
եւ Աստուած պիտի լսի քեզ.
մինչեւ դու խօսես, նա պիտի ասի, թէ՝ «Ահա հասել եմ»։

Եթէ դու քո միջից հեռացնես խարդախութիւնը,
ձեռնձգութիւնն ու տրտունջի խօսքերը,
քո հացը յօժար սրտով քաղցածներին տաս
եւ չքաւոր մարդկանց կշտացնես,
այն ժամանակ խաւարի մէջ կը ծագի քո լոյսը,
քո խաւարը կը վերածուի միջօրէի։
Քո Աստուածը ամէն ժամ քեզ հետ կը լինի,
քո անձն ըստ ցանկութեան յագեցում կը ստանայ...

Ինչ մխիթարական ու բացահայտող է չէ՞ Ձեռքդ վերցրու այսօր Աստվածաշունչն ու կարդա այսօրվա հատվածևը: Հին Կրակարան | ԵՍԱՅՈՒ ՄԱՐԳԱՐԷՈՒԹԻՒՆԸ, գլուխ 58, համար 1:14. Եթե կարդաս, մեզ էլ այստեղ լուր տուր և բոլորս քեզ հետ կուրախանանք, քանի որ որքան շատ մարդ կարդա Աստվածաշունչն ամեն օր, այնքան լավ թէ նրա, թէ նրա շրջապատի, թէ իմ ու քո և թէ մեր սիրելի Աստծու մեծ ընտանիքի համար: